ຕອນເຊົ້າຂອງວັນທີ 12 ທັນວາ 2024 ໜ່ວຍພັກຄະນະໂຄສະນາອົບຮົມແຂວງຫຼວງນໍ້າທາ ໄດ້ເປີດກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ແລະ ວາງທິດທາງແຜນການປີ 2025. ໂດຍການເປັນປະທານ ຂອງສະຫາຍ ສິງໄຊ ວັນຄໍາ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີຄະນະໜ່ວຍພັກ, ມີຜູ້ຕາງໜ້າຈາກຄະນະຈັດຕັ້ງແຂວງ ແລະ ຄະນະກວດກາພັກ-ອົງການກວດກາລັດແຂວງ ຕະຫຼອດຮອດສະມາຊິກພັກພາຍໃນໜ່ວຍເຂົ້າຮ່ວມທັງໝົດ 19 ສະຫາຍ, ຍິງ 08 ສະຫາຍ.
ໃນວາລະກອງປະຊຸມ ສະຫາຍ ສິງໄຊ ວັນຄໍາ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ໄດ້ຜ່ານບົດປະເມີນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ແລະ ທິດທາງແຜນການປະຈໍາປີ 2025 ເຊີ່ງໄດ້ຕີລາຄາດ້ານດີຜົນງານ, ດ້ານອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ແລະ ວາງທິດທາງແຜນການຄາດໝາຍສູ້ຊົນໃນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນປີ 2025. ຫຼັງຈາກນັ້ນ ບັນດາສະຫາຍແຂກຖືກເຊີນ ພ້ອມດ້ວຍສະມາຊິກພາຍໃນໜ່ວຍ ກໍ່ໄດ້ປະກອບຄໍາຄິດຄໍາເຫັນໃສ່ຮ່າງບົດປະເມີນຢ່າງກົງໄປກົງມາ ດ້ວຍຄວາມຮັບຜິດຊອບສູງ, ມີບັນຍາກາດຟົດຟືນ ແລະ ສ້າງສັນ ເພື່ອເຮັດໃຫ້ຮ່າງບົດປະເມີນມີເນື້ອໃນຄົບຖ້ວນ ແລະ ສົມບູນຖືກຕ້ອງກັບສະພາບຄວາມເປັນຈິງ.
ຜ່ານການຕີລາຄາຕາມ 5 ມາດຖານຂອງການກໍ່ສ້າງໜ່ວຍພັກປອດໃສ, ເຂັ້້ມແຂງ, ໜັກແໜ້ນ ສາມາດປະຕິບັດໄດ້ດັ່ງນີ້:
- ດ້ານຄຸນທາດການເມືອງ ປະເມີນໄດ້ 2 ຄະແນນ
- ດ້ານແນວຄິດ ປະເມີນໄດ້ 1,5 ຄະແນນ
- ດ້ານການຈັດຕັ້ງ ປະເມີນໄດ້ 1,5 ຄະແນນ
- ດ້ານແບບແຜນການນໍາພາ ປະເມີນໄດ້ 2 ຄະແນນ
- ດ້ານການປະຕິບັດຕໍ່ໜ້າທີ່ການເມືອງ ປະເມີນໄດ້ 3 ຄະແນນ
ຄະແນນລວມ 10 ຄະແນນ ຈັດຢູ່ໃນປະເພດ: ແຂງ
ຕອນທ້າຍ ກອງປະຊຸມກໍ່ໄດ້ເຫັນດີເປັນເອກະພາບ ລົງປະຊາມະຕິຢັ້ງຢືນຮັບຮອງເອົາໜ່ວຍພັກຄະນະໂຄສະ ນາອົບຮົມແຂວງ ສະເໜີໃຫ້ຄະນະພັກຂັ້ນເທິງຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປິ 2024 ແລະ ຮັບຮອງເອົາທິດທາງແຜນການປະຈໍາປີ 2025. ກອງປະຊຸມໄດ້ດຳເນີນມາເປັນເວລາ 1 ຕອນ ແລະ ໄດ້ປິດລົງໃນຕອນດຽວກັນຢ່າງເປັນທາງການ.
