————————————–
ວັນທີ 21 ກັນຍາ 2024 ທີ່ຜ່ານມານີ້ ການນໍາແຂວງຫຼວງນໍ້າທາ ພ້ອມດ້ວຍເຈົ້າອາທິການວັດ ສີເມືອງ ນະຄອນຫຼວງວຽງຈັນ ໄດ້ສືບຕໍ່ມອບເຄຶ່ອງຊ່ວຍເຫຼືອປະຊາຊົນຜູ້ປະສົບໄພນໍ້າຖວມ ຢູ່ 4 ບ້ານຄື: ບ້ານ ສິນອຸດົມ, ບ້ານ ສົບຊີມ, ບ້ານ ສົບຕຸດ ແລະ ບ້ານນາລື ຂອງເມືອງຫຼວງນໍ້າທາ ທີ່ຖືກຜົນກະທົບ ເຊິ່ງນໍາພາໂດຍ: ທ່ານ ສິງໄຊ ວັນຄໍາ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ ພ້ອມດ້ວຍຄະນະ, ເຂົ້າຮ່ວມຮັບມີອົງການປົກຄອງບ້ານ 4 ບ້ານ ແລະ ປະຊາຊົນຈໍານວນ 63 ຄອບຄົວ ແລະ ເຄື່ອງທີ່ນໍາມາມອບໃນຄັ້ງນີ້ມີ ເຂົ້າສານ, ອາຫານແຫ້ງ, ນໍ້າດື່ມ, ເຄື່ອງນຸ່ງຫົມ ແລະ ວັດຖຸປັດໃຈຈໍານວນໜຶ່ງ ທີ່ທາງເຈົ້າອາທິການວັດສີເມືອງ ນະຄອນຫຼວງວຽງຈັນ ລະດົມຈາກອອກຕົນຍາດໂຍມຜູ້ໃຈບຸນ ທົ່ວນະຄອນຫຼວງວຽງຈັນ ເພື່ອຊ່ວຍເຫຼືອແບ່ງເບົາປະຊາຊົນຊາວແຂວງຫຼວງນໍ້່າທາຜູ້ປະສົບໄພນໍ້າຖ້ວມ, ລວມມີເງິນສົດ ແລະ ວັດຖຸສິ່ງຂອງທີ່ນໍາມາມອບໃຫ້ທັງໝົດເປັນເງິນ ຈໍານວນ 140.000.000 ກີບ. 
