ວັນທີ 3 ເມສາ 2025 ແຂວງຫຼວງນໍ້າທາ ໄດ້ຈັດກອງປະຊຸມສໍາມະນາວິທະຍາສາດ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ ເຊີ່ງໄດ້ຈັດຂື້ນຢູ່ທີ່ຫ້ອງປະຊຸມໂຮງຮຽນການເມືອງ ແລະ ການປົກຄອງແຂວງ. ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ສີວິໄລ ປັນແກ້ວ ກໍາມະການປະຈໍາພັກແຂວງ, ຮອງເຈົ້າແຂວງໆຫຼວງນໍ້າທາ, ມີທ່ານ ສີງໄຊ ວັນຄໍາ ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງ, ມີ 3 ອົງການຈັດຕັ້ງພັກ ອະນຸກໍາມະການເນື້ອໃນຂັ້ນແຂວງ ພ້ອມດ້ວຍຄູ-ອາຈານ ແລະ ນັກສຶກສາໂຮງຮຽນການເມືອງ -ການປົກຄອງແຂວງເຂົ້າຮ່ວນທັງໜົດແມ່ນ 62 ຄົນ, ຍິງ 15 ຄົນ. ກອງປະຊຸມຜູ້ເຂົ້າຮ່ວມຍັງໄດ້ຮັບຟັງການທົບທວນຄືນປະຫວັດ ແລະ ການເຄື່ອນໄຫວນໍາພາຂອງພັກປະຊາຊົນ ປະຕິວັດລາວ, ເອກະສານແຜນແມ່ບົດຄູ່ຮ່ວມຊາຕາກໍາລາວ-ຈີນປີ 2024-2028, ເອກະສານມູນເຊື້ອແຫ່ງການຈັດຕັ້ງນໍາພາຂອງອົງຄະນະພັກແຂວງ ແຕ່ຊຸດທີ່1 ເຖິງປະຈູບັນ, ເອກະສານເຊິດຊູຄວາມເປັນແບບຢ່າງນໍາໜ້າຂອງສະມາຊິກພັກ ແລະ ກິດຈະກໍາຖາມ-ຕອບວິທະຍາສາດຈາກອະນຸກໍາມະການເນື້ອໃນຂັ້ນແຂວງ. ຈຸດປະສົງຂອງການສໍາມະນາເທື່ອນີ້ ແມ່ນເພື່ອສືບຕໍສືກສາອົບຮົມໃຫ້ພະນັກງານ, ສະມາຊິກພັກ,ທະຫານ,ຕໍາຫຼວດ ແລະ ປະຊາຊົນຊັ້ນຄົນຕ່າງໆໃນສັງຄົມໄດ້ຮັບຮູ້, ເຂົ້າໃຈກ່ຽວກັບປະຫັວດສາດ ແລະ ມູນເຊື້ອການນໍາພາຂອງພັກເຮົາ; ສືບຕໍ່ບຸກທະລູທາງດ້ານແນວຄິດ ຈິນຕະນາການ, ສ້າງໃຫ້ມີການຫັນປ່ຽນຢ່າງແຂງແຮງ ເລີກເຊີ່ງ ແລະ ຮອບດ້ານ, ສ້າງຄວາມຮັບຮູ້ທາງດ້ານແນວຄິດ ແລະ ການກະທໍາ, ສົ່ງເສີມດ້ານດີ ແກ້ໄຂບັນດາຂໍ້ຄົງຄ້າງ ແລະ ສີ່ງທ້າທາຍຕ່າງໆທີ່ອາດເກີດຂື້ນ.
ເຊີ່ງພິທີດັ່ງກ່າວໄດ້ດໍາເນີນເປັນເວລາ 1 ຕອນ ແລະ ໄດ້ປິດລົງໃນຕອນດຽວກັນຢ່າງເປັນທາງການ.
