ຕອນບ່າຍຂອງວັນທີ 20 ກັນຍາ 2024 ຢູ່ທີ່ສະຖານີລົດໄຟ ນາເຕີຍ ແຂວງຫຼວງນໍ້າທາ ທ່ານ ອ່ອນຈັນ ຄໍາພາວົງ ຮອງເຈົ້າແຂວງໆຫຼວງນໍ້າທາ, ຜູ້ຊີ້ນໍາຂົງເຂດວຽກງານເສດຖະກິດຂັ້ນແຂວງ ພ້ອມດ້ວຍຄະນະ ໄດ້ຕ້ອນຮັບທ່ານ ປ.ອ ຄໍາພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ຮອງຫົວໜ້າອານຸກໍາມະການເນື້້ອໃນກອງປະຊຸມໃຫຍ່ ຄັ້ງທີ XII ຂອງພັກ ພ້ອມດ້ວຍຄະນະ ເນື່ອງໃນໂອກາດທີ່ທ່ານໄດ້ນໍາເອົາເງິນ ແລະ ເຄື່ອງມາຊ່ວຍເຫຼືອໃຫ້ແກ່ຜູ້ປະສົບໄພນໍ້າຖ້ວມຢູ່ແຂວງຫຼວງນໍ້າທາ ເຊິ່ງທ່ານໄດ້ນໍາເອົາເງິນສົດຈໍານວນ 300.000.000 ລ້ານກີບ ແລະ ນໍາເອົາເຄື່ອງບໍລິໂພກ ແລະ ອຸປະໂພກອີກຈໍານວນໜຶ່ງ ລວມເປັນເງິນ 53.000.000 ລ້ານກີບ ເພື່ອນນໍາໄປແຈກຢາຍໃຫ້ແກ່ປະຊາຊົນຜູ້ປະສົບໄພໃນຄັ້ງນີ້ ເຊິ່ງກ່າວຮັບໂດຍທ່ານ ຈັນທອງ ແກ້ວປະເສີດ ຮອງເລຂາພັກແຂວງ, ຜູ້ຊີ້ນໍາວຽກງານຂົງເຂດການເມືອງ-ແນວຄິດ, ພັກ-ພະນັກງານຂັ້ນແຂວງ ຈາກນັ້ນທ່ານໄດ້ສະແດງຄວາມຂອບອົກຂອບໃຈມາຍັງທ່ານ ປ.ອ ຄໍາພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ທີ່ມີຄວາມເປັນຫ່ວງເປັນໄຍຕໍ່ອຸທົບກະໄພໃນຄັ້ງນີ້ ແລະ ຈະນໍາເອົາເຄື່ອງຂອງດັ່ງກ່າວລົງໄປແຈກຢາຍໃຫ້ແກ່ປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ ແລະ ໂອກາດດຽວກັນທ່ານ ປ.ອ ຄໍາພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ພ້ອມດ້ວຍຄະນະ ແລະ ທ່ານ ອ່ອນຈັນ ຄໍາພາວົງ ຮອງເຈົ້າແຂວງໆຫຼວງນໍ້າທາ ພ້ອມດ້ວຍຄະນະໄດ້ລົງໄປມອບເຄື່ອງໃຫ້ແກ່ປະຊາຊົນຢູ່ບ້ານປ່າສັກ ເມືອງຫຼວງນໍ້າທາຕື່ມອີກ.
