ວັນທີ 26 ພະຈິກ 2024 ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ຊັ້ນ 4 ໄດ້ເປີດກອງປະຊຸມສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ຮອບທີ IV ປະຈຳປີ 2024 ແລະ ວາງທິດທາງແຜນການປະຈຳປີ 2025 ຂອງໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ໂດຍການເປັນປະທານຂອງ ທ່ານ ນາງ ຈັນສະໝອນ ອຸດທະລັງສີ ຫົວໜ້າໜ່ວຍສະຫະພັນແມ່ຍິງ ແລະ ເປັນກຽດເຂົ້າຮ່ວມຂອງ ທ່ານ ສິງໄຊ ວັນຄໍາ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ທ່ານ ນາງ ອຳພັນ ສໍແສງອິນ ຮອງປະທານຄະນະບໍລິຫານງານສະຫະພັນແມ່ຍິງແຂວງ, ທ່ານ ນາງ ບົວນິນ ບັນລືສັກ ຄະນະບໍລິຫານງານສະຫະພັນແມ່ຍິງແຂວງຜູ້ຊີ້ນໍາຂົງເຂດ 3 ອົງການພັກ, ມີຜູ້ຕາງໜ້າຈາກໜ່ວຍຮາກຖານຄະນະຈັດຕັ້ງແຂວງ, ໜ່ວຍສະຫະພັນແມ່ຍິງຄະນະກວດກາພັກ-ອົງການກວດກາລັດແຂວງ ແລະ ມີຜູ້ຕາງໜ້າຈາກອົງການຈັດຕັ້ງມະຫາຊົນພາຍໃນຄະນະໂຄສະນາອົບຮົມແຂວງ ຕະຫຼອດຮອດສະມາຊິກສະຫະພັນແມ່ຍິງພາຍໃນໜ່ວຍເຂົ້າຮ່ວມຢ່າງພ້ອມພຽງ.
ໃນວາລະຂອງກອງປະຊຸມທ່ານ ນາງ ຈັນສະໝອນ ອຸດທະລັງສີ ຫົວໜ້າໜ່ວຍສະຫະພັນແມ່ຍິງໄດ້ຜ່ານຮ່າງບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ຮອບທີ IV ປະຈຳປີ 2024 ແລະ ວາງທິດທາງແຜນການປະຈຳປີ 2025 ເຊິ່ງໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ເປັນໜ່ວຍເອກະລາດ ພາຍໃຕ້ການຊີ້ນຳໂດຍກົງຂອງຄະນະພັກ, ທັງເປັນເສນາທິການໃຫ້ແກ່ຄະນະພັກ ແລະ ສະຫະພັນແມ່ຍິງແຂວງ ມີສະມາຊິກທັງໝົດ 7 ຄົນ ແລະ ມີບົດບາດເປັນຕົວແທນປົກປ້ອງສິດ ແລະ ຜົນປະໂຫຍດອັນຊອບທຳຂອງແມ່ຍິງ-ເດັກນ້ອຍ, ເສີມຂະຫຍາຍສິດເປັນເຈົ້າຂອງແມ່ຍິງ, ສົ່ງເສີມຄວາມສະເໝີພາບຍິງ-ຊາຍ, ເຕົ້າໂຮມຄວາມສາມັກຄີ ປຸກລະດົມແມ່ຍິງເຂົ້າຮ່ວມໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ສຶກສາອົບຮົມການເມືອງ-ແນວຄິດໃຫ້ສະມາຊິກເຊື່ອມຊືມແນວທາງ, ນະໂຍບາຍ, ມະຕິຄຳສັ່ງຂອງພັກ-ລັດ ພ້ອມທັງອານຸລັກ ແລະ ສົ່ງເສີມມູນເຊື້ອວັດທະນະທຳ, ຮີດຄອງປະເພນີອັນດີງາມຂອງແມ່ຍິງລາວບັນດາເຜົ່າ. ຜ່ານການຈັດຕັ້ງປະຕິບັດຂໍ້ແຂ່ງ 3 ດີ ສາມາດຕີລາຄາໄດ້ດັ່ງນີ້: ພົນລະເມືອງດີ ສາມາດປະຕິບັດໄດ້ 100%; ພັດທະນາດີ ປະຕິບັດໄດ້: 100%; ສ້າງຄອບຄົວດີ ປະຕິບັດໄດ້ 100%; ແລະ ສາມາດສ້າງຄອບຄົວຕົວແບບ 3 ດີ ໄດ້ 3 ໃນວາລະຂອງກອງປະຊຸມຄະນະໜ່ວຍ ແລະ ສະມາຊິກສະຫະພັນແມ່ຍິງ ຍັງໄດ້ພ້ອມກັນຈັບມືແຂ່ງຂັນ 3 ດີ ເພື່ອພ້ອມກັນສືບຕໍ່ ຮັກສາມູນເຊື້ອ ແລະ ສືບຕໍ່ເຮັດຕາມທິດທາງແຜນການທີ່ວາງໄວ້ໃນປີ 2025 ໃຫ້ບັນລຸຕາມລ
ະດັບຄາດໝາຍ.