ໜ່ວຍຊາວໝຸ່ມຄະນະໂຄສະນາອົບຮົມແຂວງ ໄດ້ເປີດກອງ ຊາວໜຸ່ມ 4 ບຸກ ຄັ້ງທີ II ຮອບທີ III.

ໜ່ວຍຊາວໝຸ່ມຄະນະໂຄສະນາອົບຮົມແຂວງ ໄດ້ເປີດກອງ ຊາວໜຸ່ມ 4 ບຸກ ຄັ້ງທີ II ຮອບທີ III.

ຕອນເຊົ້າຂອງວັນທີ 13 ຕຸລາ 2020 ໜ່ວຍຊາວໜຸ່ມ ຄະນະສະນາອົບຮົມແຂວງ ໄດ້ເປີດກອງປະຊຸມຊາວໜຸ່ມ 4 ບຸກຂື້ນຢ່າງເປັນທາງການ ພາຍໃຕ້ການເປັນປະທານຂອງທ່ານ ກົງລາ ຖ່າຍຄໍາໂປນ ເລຂາໜ່ວຍຊາວໜຸ່ມຄະນະໂຄສະນາອົບຮົມແຂວງ ແລະ ເປັນກຽດເຂົ້າຮ່ວມຂອງ ທ່ານ ບຸນສາງ ອິນມະນີ ຮອງເລຂາໜ່ວຍພັກ

, ຮອງຫົວໜ້າຄະນະໂຄສະນາອົບຮົມແຂວງ, ມີທ່ານ ສອນໄຊ ສອນສາຍແກ້ວ ຮອງເລຂາຄະນະບໍລິຫານງານຊາວໜຸ່ມແຂວງ, ມີຕາງໜ້າໜ່ວຍຊາວໜຸ່ມອ້ອມຂ້າງ ແລະ ໜ່ວຍກໍາມະບານ, ໜ່ວຍແມ່ຍິງເຂົ້າຮ່ວມທັງໝົດ 16 ທ່ານ, ຍິງ 4 ທ່ານ.ກອງປະຊຸມດັ່ງກ່າວໄດ້ຜ່ານບົດສະຫຼຸບປະເມີນຂໍ້ແຂ່ງຂັນ 4 ບຸກ ຄັ້ງທີ II ຮອບທີ III ປີ 2020 ແລະ ທິດທາງແຜນການປີ 2021  ແລະ ຜູ້ແທນກອງປະຊຸມໄດ້ປະກອບຄໍາຄິດເຫັນໃສ່ບົດໃຫ້ມີເນື້ອໃນສົມບຸນກ່ວາເກົ່າ ພ້ອມທັງຕົບມືຮັບຮອງເອົາເປັນໜ່ວຍ 4 ບຸກ ຄັ້ງທີ II ຮອບທີ III ປີ 2020; ຈາກນັ້ນໄດ້ຜ່ານຂໍ້ຕົກລົງວ່າດ້ວຍການຍ້ອງຍໍສະມາຊິກຊາວໜຸ່ມປະຊາຊົນປະຕິວັດລາວ ຈໍານວນ 7 ສະຫາຍ ແລະ ຂໍ້ຕົກລົງວ່າດ້ວນການມອບໃບຢັ້ງຢືນ 4 ບຸກ ປະຈໍາປີໃຫ້ໜ່ວຍຊາວໜຸ່ມ ແລະ ໃຫ້ກຽດມອບໂດຍທ່ານ ບຸນສາງອິນມະນີ ແລະ ທ່ານ ສອນໄຊ ສອນສາຍແກ້ວ.ໃນຕອນທ້າຍຍັງໄດ້ຮັບຟັງການໂອ້ລົມຂອງທ່ານ ສອນໄຊ ສອນສາຍແກ້ວ ຮອງເລຂາຄະນະບໍລິຫານງານຊາວໜຸ່ມແຂວງ ທ່ານໄດ້ຍ້ອງຍໍຕໍ່ຜົນງານທີ່ຍາດມາໄດ້ໃນໄລຍະ 1 ປີ ຜ່ານມາ ແລະ ທ່ານໄດ້ເນັ້ນໜັກບາງດ້ານດັ່ງນີ້:

1.  ຮ່ວມຊີວິດ ແລະ ເສຍເງິນສະຕິໃຫ້ເປັນປົກກະຕິ.

2. ເພີ່ມທະວີຄວາມສາມັກຄີພາຍໃນກໍ່ຄືອົງການຈັດຕັ້ງມະຫາຊົນ.

3. ປຸກລະດົມສະມາຊິກພາຍໃນໜ່ວຍສ້າງຂະບວນການຂໍ້ແຂ່ງຂັນ 4 ບຸກໃຫ້ເປັນຂະບວນຟົດຝື້ນ.

4. ເອົາໃຈໃສ່ຈັດຕັ້ງເຊື່ອມຊືມເນື້ອໃນຂໍ້ແຂ່ງຂັນ 4 ບຸກໃຫ້ແກ່ສະມາຊິກພາຍໃນໜ່ວຍໃຫ້ໜັກແໜ້ນ, ເຂັ້ມແຂງ.

 ຈາກນັ້ນຕາງໜ້າໜ່ວຍໄດ້ຂື້ນຮັບຄໍາໂອ້ລົມ ແລະ ໃຫ້ຄໍາໝັ້ນສັນຍາວ່າຈະນໍາເອົາເນື້ອໃນຈິດໃຈຂອງທ່ານໃນຄັ້ງນີ້ນໍາໄປຈັດຕັ້ງປະຕິບັດໃຫ້ປະກົດຜົນເປັນຈິງ ແລະ ໄດ້ຜ່ານຮ່າງບົດບັນທຶກ, ຜູ້ແທນກອງປະຊຸມໄດ້ປະກອບຄໍາຄິດເຫັນໃສ່ບົດໃຫ້ມີເນື້ອໃນສົມບຸນ ພ້ອມທັງຕົບມືຮັບ

ຮອງເປັນໜ່ວຍຊາວໜຸ່ມ 4 ບຸກ ຄັ້ງທີ II ຮອບທີ  III ປີ 2020  ແລະ ກອງປະຊຸມໄດ້ປິດລົງໃນຕອນດຽວກັນ.