ຄະນະໂຄສະນາອົບຮົມ-ນັກຮົບເກົ່າແຂວງ ໄດ້ເປີດກອງປະຊຸມປະເມີນຂໍ້ແຂ່ງຂັນ 3 ດີ

ສ້າງຂື້ນເມື່ອ ວັນອັງຄານ, 20 ຕຸລາ 2020 07:46
ຂຽນໂດຍ ນ. ຈັນສະໝອນ ອຸດທະລັງສີ

 

ໜ່ວຍສະຫະພັນແມ່ຍິງຄະນະໂຄສະນາອົບຮົມ-ນັກຮົບເກົ່າແຂວງ ໄດ້ເປີດກອງປະຊຸມປະເມີນຂໍ້ແຂ່ງຂັນ 3 ດີ ຄັ້ງທີ IV ຮອບທີ IV 2019 ຄັ້ງທີ V ຮອບທີ V ປີ 2020.

ຕອນແລງຂອງວັນທີ 23 ກັນຍາ 2020 ໜ່ວຍສະຫະພັນແມ່ຍິງຄະນະສະນາອົບຮົມ-ນັກຮົບເກົ່າແຂວງ ໄດ້ເປີດກອງປະຊຸມສະຫຼຸບປະເມີນຂໍ້ແຂ່ງຂັນ 3 ດີ ຄັ້ງທີ IV ຮອບທີ IV ປີ 2019 ຄັ້ງທີ V

ຮອບທີ V ປີ 2020 ພາຍໃຕ້ການເປັນປະທານຂອງທ່ານນ. ຈັນສະໝອນ ອຸດທະລັງສີ ຮອງຫົວໜ້າໜ່ວຍສະຫະພັນແມ່ຍິງຄະນະໂຄສະນາອົບຮົມ-ນັກຮົບເກົ່າແຂວງ ແລະ ເປັນກຽດເຂົ້າຮ່ວມຂອງທ່ານນ. ບົວນີນ ບັນລືສັກ ຄະນະບໍລິຫານງານສະຫະພັນແມ່ຍິງ, ຜູ້ຊີ້ນໍາຂົງເຂດ 3 ອົງການພັກ, ມີທ່ານ ບຸນສາງ ອິນມະນີ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ແລະ ທ່ານ ຈັນສຸກ ວັນນະສຸກ ຮອງເລຂາໜ່ວຍພັກ, ຮອງປະທານສະຫະພັນນັກຮົບເກົ່າແຂວງ, ມີທ່ານນ. ສົມຈັນ ຈັນທະວິໄລ ຄະນະບໍລິຫານງານສະຫະພັນແມ່ຍິງແຂວງ, ມີຕາງໜ້າໜ່ວຍສະຫະພັນແມ່ຍິງອ້ອມຂ້າງ ແລະ ໜ່ວຍກໍາມະບານ, ຊາວໜຸ່ມເຂົ້າຮ່ວມທັງໝົດ 14 ທ່ານ, ຊາຍ 4 ທ່ານ.ກອງປະຊຸມດັ່ງກ່າວໄດ້ຜ່ານບົດສະຫຼຸບປະເມີນຂໍ້ແຂ່ງຂັນ 3 ດີ ຄັ້ງທີ IV ຮອບທີ IV ປີ 2019 ຄັ້ງທີ V ຮອບທີ V ປີ 2020 ແລະ ທິດທາງແຜນການປີ 2021, ພ້ອມທັງຜ່ານບົດເກັບກ່ຽວຜົນງານຄອບຄົວຕົວແບບ ແລະ ຜູ້ແທນກອງປະຊຸມໄດ້ປະກອບຄໍາຄິດເຫັນໃສ່ບົດໃຫ້ມີເນື້ອໃນສົມບຸນກ່ວາເກົ່າ ແລະ ໄດ້ມອບໃບຢັ້ງຢືນເປັນໜ່ວຍແມ່ຍິງ 3 ດີ ຮອບທີ IV -V ປີ 2019-2020; ຈາກນັ້ນຄະນະໜ່ວຍພ້ອມດ້ວຍສະມາຊິກໄດ້ຂື້້ນຈັບມືແຂ່ງຂັນພ້ອມຈັດຕັ້ງປະຕິບັດທິດທາງແຜນການໃຫ້ປະກົດຜົນເປັນຈິງ.ໃນຕອນທ້າຍຍັງໄດ້ຮັບຟັງການໂອ້ລົມຂອງທ່ານນ. ບົວນິນ ບັນລືສັກ ຄະນະບໍລິຫານງານສະຫະພັນແມ່ ຍິງແຂວງ, ຜູ້ຊີ້ນໍາຂົງເຂດ 3 ອົງການພັກ; ທ່ານໄດ້ຍ້ອງຍໍຕໍ່ຜົນງານທີ່ຍາດມາໄດ້ໃນໄລຍະ 2 ປີ ຜ່ານມາ ແລະ ທ່ານໄດ້ເນັ້ນໜັກບາງດ້ານດັ່ງນີ້:

1.  ຮ່ວມຊີວິດ ແລະ ເສຍເງິນສະຕິໃຫ້ເປັນປົກກະຕິ.

2. ເພີ່ມທະວີຄວາມສາມັກຄີພາຍໃນກໍ່ຄືອົງການຈັດຕັ້ງມະຫາຊົນ.

3. ປຸກລະດົມສະມາຊິກເອື້ອຍນ້ອງແມ່ຍິງສ້າງຂະບວນການຂໍ້ແຂ່ງຂັນ 3 ດີໃຫ້ເປັນຂະບວນຟົດຝື້ນ.

4. ເອົາໃຈໃສ່ຈັດຕັ້ງເຊື່ອມຊືມເນື້ອໃນຂໍ້ແຂ່ງຂັນ 3 ດີໃຫ້ແກ່ສະມາຊິກພາຍໃນໜ່ວຍໃຫ້ໜັກແໜ້ນ, ເຂັ້ມແຂງ.

 ຈາກນັ້ນຕາງໜ້າໜ່ວຍໄດ້ຂື້ນຮັບຄໍາໂອ້ລົມ ແລະ ໃຫ້ຄໍາໝັ້ນສັນຍາວ່າຈະນໍາເອົາເນື້ອໃນຈິດໃຈຂອງທ່ານໃນຄັ້ງນີ້ນໍາໄປຈັດຕັ້ງປະຕິບັດໃຫ້ປະກົດຜົນເປັນຈິງ ແລະ ໄດ້ຜ່ານຮ່າງບົດບັນທຶກ, ຜູ້ແທນກອງປະຊຸມໄດ້ປະກອບຄໍາຄິດເຫັນໃສ່ບົດໃຫ້ມີເນື້ອໃນສົມບຸນ ພ້ອມທັງຕົບມືຮັບຮອງເປັນໜ່ວຍແມ່ຍິງ 3 ດີ ຄັ້ງທີ IV - V ຮອບທີ IV - V ປີ 2020  ແລະ ກອງປະຊຸມໄດ້ປິດລົງໃນວັນດຽວກັນ.