ຄະນະໂຄສະນາອົບຮົມແຂວງຫຼວງນໍ້າທາສໍາເລັດການຝຶກອົບຮົມວຽກງານສັງລວມ-ຫາງສຽງສັງຄົມ.

ລາຍລະອຽດ

ສ້າງຂື້ນເມື່ອ ວັນສຸກ, 05 ກໍລະກົດ 2019 03:15

ຂຽນໂດຍ ກົງລາ ຖ່າຍຄໍາໂປນ

ຄະນະ​ໂຄສະນາ​ອົບຮົມ​ແຂວງ​ຫຼວງນໍ້າທາ​ສໍາ​ເລັດ​ການ​ຝຶກ​ອົບຮົມ​ວຽກງານ​ສັງ​ລວມ-ຫາງ​ສຽງສັງຄົມ.

   ໃນ​ວັນ​ທີ 25 – 26 ມີ​ຖຸນາ 2019  ຜ່ານ​ມາ​ນີ້, ຄະນະ​ໂຄສະນາ​ອົບຮົມ​ສູນ​ກາງ​ພັກ​​ສົມທົບ​ກັບ​ຄະນະ​ໂຄສະນາ​ອົບຮົມ​ແຂວງ​ຫຼວງນໍ້າທາ ​ເປີດ​ຊຸດ​ອົບຮົມ​ວຽກງານສັງ​ລວມ-​ຫາງ​ສຽງສັງຄົມ ຢູ່​ທີ່​ສະໂມສອນແຂວງຫຼວງນໍ້າທາ ພາຍ​ໃຕ້​ການ​​ເປັນ​ປະທານ​ຂອງ ທ່ານ ບຸນຍີ່ ແກ້ວຄູນເມືອງ ຮອງ​ເລຂາ​ພັກ​ແຂວງ ຮອງເຈົ້າແຂວງແຂວງຫຼວງນໍ້າທາ, ​ເປັນກຽດ​ເຂົ້າ​ຮ່ວມ​ກອງ​

ປະຊຸມ​ມີ​ທ່ານ​ ນ. ແສງຕານ ແກ້ວອິນດາປິງ   ຫົວໜ້າກົມ​ສັງ​ລວມຄະນະ​ໂຄສະນາ​ອົບຮົມ​ສູນ​ກາງ​ພັກ ພ້ອມ​ດ້ວຍ​ທີ​ມງານມີຄະນະໂຄສະນາອົບຮົມແຂວງ, ມີນັກ​ສໍາ​ມະ​ນາກ​ອນມາຈາກ​ພະ​ແນ​ກການ​ອ້ອມ​ຂ້າງ​ແຂວງ, ສອງກອງບັນຊາການ ປກຊ, ປກສ ​ແລະ ​ໂຄສະນາ​ອົບຮົມ 5 ​ເມືອງ​ເຂົ້າ​ຮ່ວມ​ທັງໝົດ 69 ກ່ວາ​ທ່ານ, ຍິງ 25 ທ່ານ. ​ເຊີ່ງ​ພິທີ​ດັ່ງກ່າວ​ໄດ້​ເປີດ​ຂຶ້ນ​ຢ່າງ​ເປັນ​ທາງ​ການ​ໃນ​ເວລາ 8 ​ໂມງ 30 ນາຂອງ​ວັນທີ 25 ມີ​ຖຸນາ 2019.ການ​ຝຶກ​ອົບຮົມ​ຄັ້ງ​ນີ້ນັກ​ສໍາ​ມະ​ນາກ​ອນ​ໄດ້ຮັບ​ຟັງ​ ຄໍາ​ສັ່ງເລກທີ 04/ຄລສພ, ລົງ​ວັນ​ທີ 10 ກໍລະກົດ 2017 ວ່າ​ດ້ວຍ​ການ​ເພີ່ມ​ທະວີ​ວຽກງານ​ຕິດຕາມ, ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ ​ໃນ​ໄລຍະ​ໃໝ່; ຄໍາ​ແນະ​ນໍາ​ເລກທີ 08/ຄອສພ, ລົງ​ວັນ​ທີ 31 ກໍລະກົດ 2017 ກ່ຽວກັບການຈັດ​ຕັ້ງ​ປະຕິບັດ​ຄໍາ​ສັ່ງເລກທີ 04/ຄລສພ ວ່າ​ດ້ວຍ​ການ​ເພີ່ມ​ທະວີ​ວຽກງານ​ຕິດຕາມ, ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ ​ໃນ​ໄລຍະ​ໃໝ່ ​ ​ແລະ ​ໄດ້​ຮັບ​ຟັງການບັນລະຍາຍວຽກງານສັງ​ລວມ-​​ຫາງ​ສຽງສັງຄົມມີ 4 ບົດ​ຄື: ບົດ​ທີ 1 ບັນຫາ​ພື້ນຖານ​ກ່ຽວກັບ​ວຽກງານ​ຫາງ​ສຽງສັງຄົມ, ບົດ​ທີ 2 ວິທີ​ການ​ເກັບ​ກໍາ ​ແລະ ການ​ນໍາ​ໃຊ້​ຫາງ​ສຽງສັງຄົມ​ເຂົ້າ​ໃນ​ວຽກງານ​ການ​ເມືອງ - ​ແນວ​ຄິດ, ບົດ​ທີ 3 ຕາໜ່າງ​ເພືອນຮ່ວມ​ງານ ​ແລະ ບົດ​ທີ 4 ວຽກງານ​ຄົ້ນ​ຄ້ວາ​ສັງ​ລວມ.ການ​ຝຶກ​ອົບຮົມ​ຄັ້ງ​ນີ້​​ແມ່ນ​ເພື່ອ​ຈັດ​ຕັ້ງ​ຜັນ​ຂະຫຍາຍ​ແຜນ​ດໍາ​ເນີນ​ງານ​ຂອງ​ວຽກງານ​ໂຄສະນາ​ອົບຮົມ​ເຂົ້າ​ສູ່​ຊີວິດ​ຕົວ​ຈິງ ​ແລະ ​ຝຶກ​ອົບຮົມ​ເປົ້າໝາຍຕ່າງໆ. ​ເວົ້າ​ລວມ​ເວົ້າ​ສະ​ເພາະ​ແມ່ນ​ພະນັກງານ​ຜູ້​ທີ່​ເຮັດ​ວຽກງານ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ​ໃຫ້​ຮັບ​ຮູ້ ​ແລະ ​ເຂົ້າ​ໃຈກ່ຽວກັບ​ວຽກງານສັງລວມ​ຫາງ​ສຽງສັງ​ຄົມ, ບົ້ນ​ພື້ນຖານ​ຄວາມ​ຮັບ​ຮູ້​ດັ່ງກ່າວ​ເຮັດ​ໃຫ້​ພະນັກງານ​ທີ່​ເຮັດ​ວຽກງານ​ເກັບ​ກໍາ​ສະພາບ​ແນວ​ຄິດ - ຫາງ​ສຽງສັງຄົມ​ເສີມ​ຂະຫຍາຍ​ຄວາມ​ຮູ້, ຄວາມ​ສາມາດ ​ແລະ ປະສົບ​ການ​ໃນ​ການ​ປະຕິບັດໜ້າທີ່​ວຽກງານ​ໃຫ້​ມີ​ປະສິດທິ​ຜົນ ​ແລະ ສາມາດ​ປະ​ເມີນ​ຄວາມ​ຮັບ​ຮູ້, ​ຄວາມ​ເຂົ້າ​ໃຈ​ຂອງ​ນັກ​ສໍາ​ມະ​ນາກ​ອນຈາກ​ແບບ​ພອມປະ​ເມີນ​ໄດ້ 95%.

ໃນ​ຕອນ​ທ້າ​ຍການ​ຝຶກ​ອົບຮົມ​ ທ່ານ ບຸນຍີ່ ແກ້ວຄູນເມືອງ ຮອງ​ເລຂາ​ພັກ​ແຂວງ ຮອງເຈົ້າແຂວງແຂວງຫຼວງນໍ້າທາ. ​ໄດ້​ໃຫ້ກຽດມອບ​ໃບ​ຢັ້ງຢືນ​ໃຫ້​ນັກ​ສໍາ​ມະ​ນາກ​ອນ ​ແລະ ​ໂອ້​ລົມ​ເຊີງ​ທ່ານ​ໄດ້​ເໜັ້ນ​ໜັກເຖີງຄວາມໝາຍສໍາຄັນ​ຂອງ​ວຽກງານ​ດັ່ງກ່າວ​ ​ແລະ ຮຽກຮ້ອງ​ໃຫ້​ບັນດາ​ນັກ​ສໍາ​ມະ​ນາກ​ອນທີ່​ເຂົ້າ​ຝຶກ​ອົບຮົມ​ໃນ​ຄັ້ງ​ນີ້ ​ເພື່ອ​ສືບ​ຕໍ່​ນໍາ​ເອົາ​ຄວາມ​ຮູ້ ​ແລະ ປະສົບ​ການ​ທີ່​ໄດ້​ຮຽນມາ​ໄປ​ນໍາ​ໃຊ້​ເຂົ້າ​ໃນ​ວຽກງານ​ຕົວ​ຈິງ​​. ການ​ຝຶກ​ອົບຮົມ​ຄັ້ງ​ນີ້​ໄດ້​ດໍາ​ເນີນ​ມາ​ເປັນ​ເວລາ 2 ວັນ​​ເຕັ້ມ ​ແລະ​ ໄດ້​ປິດ​ລົງ​ຢ່າງ​ເປັນ​ທາງການ​ໃນ​ເວລາ 16 ​ໂມງ 30 ຂອງ​ວັນ​ທີ 26 ມີ​ຖຸນາ 2019.

• ຕໍ່ໄປ >