ຍິນດີຕ້ອນຮັບເຂົ້າສູ່ເວັບໄຊສ໌ຂອງຄະນະໂຄສະນາອົບຮົມແຂວງຫລວງນ້ຳທາ                                                                          ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ                                                                                   

  • ຄະນະໂຄສະນາອົບຮົມແຂວງເປີດຊຸດອົບຮົມ
  • ແຂວງຫຼວງນໍ້າທາໄດ້ຈັດຕັ້ງພິທີສະເຫຼ
  • ຄະນະໂຄສະນາອົບຮົມແຂວງໄດ້ຈັດພິທີ ປາຖ
  • ຄະນະໂຄສະນາອົບຮົມແຂວງເປີດກອງປະຊຸມ ກ
  • ຄະນະຮັບຜິດຊອບຂັ້ນແຂວງລົງສົມທົບຄະນ
  • ສະຫາຍ ເລຂາພັກແຂວງ, ເຈົ້າແຂວງໆຫຼວງນໍ
ຄະນະໂຄສະນາອົບຮົມແຂວງເປີດຊຸດອົບຮົມສະມາຊິກພັກໃໝ່ (ສະມາຊິກພັກສໍາຮອງ).

ຄະນະໂຄສະນາອົບຮົມແຂວງເປີດຊຸດອົບຮົມສະມາຊິກພັກໃໝ່ (ສະມາຊິກພັກສໍາຮອງ).

ຄະນະໂຄສະນາອົບຮົມແຂວງເປີດຊຸດອົບຮົມສະມາຊິກພັກໃໝ່ (ສະມາຊິກພັກສໍາຮອງ). ວັນທີ 19 ພ...
ຄະນະໂຄສະນາອົບຮົມແຂວງເປີດກອງປະຊຸມ ການສ້າງແຜນກໍານົດພະນັກງານນໍາພາ-ຄຸ້ມຄອງ ຂອງຄະນະໂຄສະນາອົບຮົມແຂວງຫຼວງນໍ້າທາ ປີ 2021-2025.

ຄະນະໂຄສະນາອົບຮົມແຂວງເປີດກອງປະຊຸມ ການສ້າງແຜນກໍານົດພະນັກງານນໍາພາ-ຄຸ້ມຄອງ ຂອງຄະນະໂຄສະນາອົບຮົມແຂວງຫຼວງນໍ້າທາ ປີ 2021-2025.

ຄະນະໂຄສະນາອົບຮົມແຂວງເປີດກອງປະຊຸມ ການສ້າງແຜນກໍານົດພະນັກງານນໍາພາ-ຄຸ້ມຄອງ ຂອງຄະນະໂຄສະນາອົບຮົມ...
Previous
Next

ຂ່າວໃໝ່

ແຂວງຫຼວງນໍ້າທາໄດ້ຈັດຕັ້ງພິທີສະເຫຼີມສະຫຼອງວັນປົດປ່ອຍ ຫຼວງນໍ້າທາ ຄົບຮອບ 60 ປີ 6/5/1962-6/5/2022 ແລະ ວັນສ້າງຕັ້ງກໍາລັງປ້ອງກັນຄວາມສະຫງົບ ແຂວງຫຼວງນໍ້າທາ ຄົບຮອບ 60 ປີ 24/5/196-24/5/2022.

 

 

ແຂວງຫຼວງນໍ້າທາໄດ້ຈັດຕັ້ງພິທີສະເຫຼີມສະຫຼອງວັນປົດປ່ອຍ ຫຼວງນໍ້າທາ ຄົບຮອບ 60 ປີ 6/5/1962-6/5/2022 ແລະ ວັນສ້າງຕັ້ງກໍາລັງປ້ອງກັນຄວາມສະຫງົບ ແຂວງຫຼວງນໍ້າທາ ຄົບຮອບ 60 ປີ 24/5/196-24/5/2022.

            ວັນທີ 6 ພຶດສະພາ 2022 ຢູ່ທີ່ຫໍວັດທະນະທໍາແຂວງ ໄດ້ຈັດພິທີປາຖະກະຖາວັນປົດປ່ອຍ ຫຼວງນໍ້າທາ ຄົບຮອບ 60 ປີ ແລະ ວັນສ້າງຕັ້ງກໍາລັງປ້ອງກັນຄວາມສະຫງົບ ແຂວງຫຼວງນໍ້າທາ ຄົບຮອບ 60 ປີ

ໂດຍເປັນກຽດເຂົ້າຮ່ວມຂອງສະຫາຍ ຄໍາໄຫຼ ສີປະເສີດ ກໍາມະການສູນກາງພັກ, ເລຂາພັກແຂວງ, ເຈົ້າແຂວງປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງຫຼວງນໍ້າທາ, ມີພະອາຈານ ບຸນທໍາ ບຸນວົງ ປະທານອົງການພຸດທະສາສະໜາແຂວງຫຼວງນໍ້າທາ, ມີສະຫາຍ ຕາງໜ້າຈາກສອງກໍາລັງ ປ້ອງກັນຊາດ-ປ້ອງກັນຄວາມສະຫງົບຂັ້ນສູນກາງ, ມີບັນດາສະຫາຍ ຄະນະປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ຫົວໜ້າພະແນກ-ຮອງພະແນກ, ພະນັກງານປະຕິວັດອາວຸໂສ-ບໍານານ ວິລະຊົນແຫ່ງຊາດ, ນັກຮົບແຂ່ງຂັນ, ອົງການທຽບເທົ່າ, ໂຮງຮຽນ,ໂຮງໝໍ, ລັດວິສາຫະກິດ, ອົງການປົກຄອງ 8 ບ້ານເທດສະບານແຂວງ, ນັກຮຽນ-ນັກສຶກສາເຂົ້າຮ່ວມ ທັງໝົດ 592 ທ່ານ, ຍິງ 221 ທ່ານ.ໃນພິທີດັ່ງກ່າວ ສະຫາຍ ຄຳໄຫຼ ສີປະເສີດ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຫຼວງນ້ຳທາ ໄດ້ໃຫ້ກຽດຜ່ານບົດປາໃສ ຫວນຄືນມູນເຊື້ອວັນປົດປ່ອຍຫຼວງນໍ້າທາ ຄົບຮອບ 60 ປີ ສະຫາຍໄດ້ຍົກໃຫ້ເຫັນເຖິງໄຊຊະນະອັນໃຫຍ່ຫຼວງໃນບັ້ນຮົບປົດປ່ອຍຫລວງນ້ຳທາ ປີ 1962 ເປັນບັ້ນຮົບໃຫຍ່, ດຸເດືອດ, ຂ້ຽວຂາດ ໃນສົງຄາມຕໍ່ສູ້ກູ້ຊາດ, ເປັນສະໜາມຮົບທີ່ລືຊື່ ແລະ ສ້າງຄວາມເສຍຫາຍໃຫ້ແກ່ສັດຕູ ແລະ ຈັກກະພັດຜູ້ຮຸກຮານ ຢ່າງໜັກໜ່ວງ ເປັນປະຫວັດສາດ; ບັ້ນຮົບປົດປ່ອຍຫລວງນ້ຳທາ ປະຊາຊົນລາວບັນດາເຜົ່າ ແລະ ຫວຽດນາມ ອ້າຍນ້ອງ ໄດ້ອຸດທິດເລືອດເນື້ອ ແລະ ຊີວິດຂອງລູກຫລານ ທີ່ມີນ້ຳໃຈຮັກຊາດ ອັນສູງສົ່ງ ແລະ ການເສຍສະລະໃນໜ້າທີ່ສາກົນ ຂອງຫລູກຫລານປະຊາຊົນຫວຽດນາມອ້າຍນ້ອງ ໄດ້ຮ່ວມແຮງຮ່ວມໃຈບໍ່ມີຄວາມຫວັ່ນໄຫວຢ້ານກົວ ລຸກຂື້ນຕໍ່ສູ້ເລີ່ມແຕ່ ວັນທີ 28 ມັງກອນ - ວັນທີ 6 ພຶດສະພາ 1962 ເປັນເວລາ ພຽງ 100 ວັນ ທີ່ໄດ້ຕໍ່ສູ້ໃນສະໝໍລະພູມສົງຄາມນັກຮົບປະຕິວັດພວກເຮົາ ໄດ້ຜ່ານຜ່າລູກກະສຸນ, ລູກລະເບີດ ທາງອາກາດ ແລະ ໜ້າດິນ ດ້ວຍຄວາມອົງອາດກ້າຫານບໍ່ຍອມຈົນໄດ້ຮັບການປົດປ່ອຍແຂວງຫຼວງນໍ້າທາຢ່າງສະຫງ່າງາມ.

ຈາກນັ້ນໄດ້ຫວນຄືນວັນສ້າງຕັ້ງກໍາລັງປ້ອງກັນຄວາມສະຫງົບແຂວງຫຼວງນໍ້າທາ ຄົບຮອບ 60 ປີ ໂດຍໃຫ້ກຽດຜ່ານບົດປາໃສຂອງ ສະຫາຍ ຈັນທອງ ແກ້ວປະເສີດ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງ, ຜູ້ຊີ້ນໍາວຽກງານພັກ-ພະນັກງານ, ໂດຍໄດ້ຍົກໃຫ້ເຫັນຕະຫຼອດໄລຍະ 60 ປີຜ່ານມາ; ນັບແຕ່ທ້າຍສະຕະວັດທີ 19 ເປັນຕົ້ນມາ ປະເທດຊາດຂອງພວກເຮົາ ໄດ້ຕົກເປັນຫົວເມືອງຂຶ້ນ ຂອງຈັກກະພັດຕ່າງດ້າວ, ປະຊາຊົນລາວບັນດາເຜົ່າ ຖືກກົດຂີ່ຂູດຮີດຢ່າງໜັກໜ່ວງ ແລະ ສູນເສຍຄວາມເປັນເອກະລາດແຫ່ງຊາດ, ຄວາມເປັນເຈົ້າຕົນເອງ; ຈາກເຫດການທີ່ກ່າວມານັ້ນ ຈຶ່ງເກີດມີຫຼາຍຂະບວນການລຸກຮື້ຂຶ້ນຕໍ່ສູ້ ຕ້ານກັບຈັກກະພັດຕ່າງດ້າວ ເປັນຕົ້ນ ແມ່ນຂະບວນຮຸກຮື້ຂື້ນຕໍ່ສູ້ຂອງບັນພະບູລຸດລາວ, ແຕ່ລະຍຸກ, ແຕ່ລະສະໄໝ ເພື່ອຕໍ່ສູ້ກັບສັກດິນາ ແລະ ພວກລ່າເມືອງຂຶ້ນແບບເກົ່າ, ແບບໃໝ່ ແລະ ລູກແຫຼ້ງຕີນມືຂອງພວກມັນ ແລະ ຢູ່ພາຍໃນແຂວງຫຼວງນໍ້າທາ ກໍ່ຖືກກົດຂີ່ຂູດຮີດເຊັ່ນດຽວກັນ, ຍ້ອນອົດກັ້ນຕໍ່ຄວາມທຸກທໍລະມານ, ການກົດຂີ່ຂູດຮີດບໍ່ໄດ້, ຈຶ່ງເກີດມີຂະບວນການລຸກຮື້ຂື້ນຕໍ່ສູ້ ຂອງບັນພະບູລຸດເຜົ່າຕ່າງໆ ຢູ່ພາຍໃນແຂວງຫຼວງນໍ້າທາ ແຕ່ບໍ່ໄດ້ຮັບໄຊຊະນະ ຍ້ອນບໍ່ມີພັກນໍາພາ; ແຕ່ຜ່ານການຕໍ່ສູ້ຫຼາຍລົບຫຼາຍຕ່າວໄດ້ຮັບການແຕ່ງຕັ້ງຄະນະພັກ ເພື່ອຊີ້ນໍາ-ນໍາພາ ແລະ ໄດ້ຕົກລົງເປີດບັ້ນຮົບປົດປ່ອຍຫຼວງນໍ້າທາຂຶ້ນ, ກໍາລັງປະກອບອາວຸດ ແລະ ປະຊາຊົນບັນດາ ເຜົ່າພາຍໃນແຂວງຫຼວງນໍ້າທາ ໄດ້ສົມທົບແໜ້ນກັບກໍາລັງທະຫານອາສາສະໝັກຫວຽດນາມ; ມາຮອດກາງເດືອນ ມັງກອນ ປີ 1962 ກໍາລັງປະກອບອາວຸດພວກເຮົາ ໄດ້ເປີດບັ້ນຮົບປົດປ່ອຍທົ່ງພຽງ ເມືອງຫຼວງນໍ້າທາຂຶ້ນ, ຈົນມາຮອດ ວັນທີ 6 ພຶດສະພາ 1962 ຈຶ່ງສາມາດປົດປ່ອຍທົ່ວທົ່ງພຽງເມືອງຫຼວງນໍ້ທາ ໄດ້ຢ່າງສົມບູນ ແລະ ພາຍຫຼັງປະເທດຊາດໄດ້ຮັບການປົດປ່ອຍ ຢ່າງສົມບຸນ ໃນປີ 1975 ເຮັດໃຫ້ ຄະນະພັກ, ຄະນະບັນຊາ, ນາຍ ແລະ ພົນຕໍາຫຼວດ ແຂວງຫຼວງນໍ້າທາ ມີມູນເຊື້ອອັນອົງອາດກ້າຫານ, ໃນພາລະກິດຕໍ່ສູ້ປົດປ່ອຍຊາດ, ປົດປ່ອຍປະຊາຊົນ, ມີນໍ້າໃຈເສຍສະ ຫຼະອັນສູງສົ່ງ ໃນການກອບກູ້ເອົາເອກະລາດ ແລະ ຜືນແຜ່ນດິນອັນຄົບຖ້ວນ ຈາກພວກສັກດີນາ, ຈັກກະພັດລ່າເມືອງຂື້ນແບບເກົ່າ, ແບບໃໝ່ ແລະ ລູກແຫຼ້ງຕີນມືຂອງພວກມັນມາໃຫ້ປະຊາຊົນລາວບັນດາເຜົ່າ, ເວົ້າລວມ; ເວົ້າສະເພາະ ແມ່ນປະຊາຊົນບັນດາເຜົ່າຢູ່ພາຍໃນແຂວງຫຼວງນໍ້າທາພວກເຮົາ, ເປັນຜູ້ປົກປັກຮັກສາ ແລະ ສ້າງສາພັດທະນາ, ສາມາດຍາດມາໄດ້ຜົນສໍາເລັດເປັນກ້າວໆມາ.

 

 

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

 

  

ສະຖິຕິຜູ້ເຂົ້າຊົມ:

241815
ມື້ນີ້ມື້ນີ້167
ມື້ວານນີ້ມື້ວານນີ້222
ອາທິດນີ້ອາທິດນີ້529
ເດືອນນີ້ເດືອນນີ້4128
ທັງໝົດທັງໝົດ241815

ຈຳນວນຄົນອອນໄລ໌ທ

ມີ 9  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌