ຄະນະຮັບຜິດຊອບຂັ້ນແຂວງລົງສົມທົບຄະນະຮັບຜິດຊອບຂັ້ນເມືອງໆສິງ ແລະ ເມືອງລອງ ລົງເຊື່ອມຊຶມວິທີຈັດຕັ້ງປະຕິບັດວາລະແຫ່ງຊາດວ່າດ້ວຍການສະກັດກັ້ນ ແລະ ແກ້ໄຂບັນຫາຢາເສບຕິດແຕ່ປີ 2021-2023.

ລາຍລະອຽດ

ສ້າງຂື້ນເມື່ອ ວັນອັງຄານ, 15 ມີນາ 2022 02:09

ຂຽນໂດຍ ຄອຂ ຫລວງນ້ຳທາ

ຄະນະຮັບຜິດຊອບຂັ້ນແຂວງລົງສົມທົບຄະນະຮັບຜິດຊອບຂັ້ນເມືອງໆສິງ ແລະ ເມືອງລອງ ລົງເຊື່ອມຊຶມວິທີຈັດຕັ້ງປະຕິບັດວາລະແຫ່ງຊາດວ່າດ້ວຍການສະກັດກັ້ນ ແລະ ແກ້ໄຂບັນຫາຢາເສບຕິດແຕ່ປີ 2021-2023.

       ໃນວັນທີ 3-4 ມີນາ 2022 ຢູ່ທີ່ສະໂມສອນຂອງເມືອງສິງ ແລະ ເມືອງລອງ, ແຂວງຫຼວງນໍ້າທາ ໄດ້ຈັດກອງປະຊຸມເຊື່ອມຊຶມວິທີຈັດຕັ້ງປະຕິບັດວາລະແຫ່ງຊາດວ່າດ້ວຍການສະກັດກັ້ນ

ແລະ ແກ້ໄຂບັນຫາຢາເສບຕິດແຕ່ປີ 2021-2023 ໂດຍເປັນກຽດເຂົ້າຮ່ວມຂອງທ່ານ ພົມມະສຸກ ວິໄລກຸນ ກໍາມະການປະຈໍາພັກແຂວງ, ຮອງເຈົ້າແຂວງໆຫຼວງນໍ້າທາ ຜູ້ຊີ້ນໍາຂົງເຂດວັດທະນະທໍາ-ສັງຄົມ, ທ່ານ ປອ ຈັນພິພັກ ກອງຈໍາປາ ກໍາມະການພັກແຂວງ ເລຂາພັກເມືອງ ເຈົ້າເມືອງໆສິງ, ທ່ານ ເພັດສະຫວັນ ຈິດດາລາ ຮອງເລຂາພັກເມືອງໆລອງ, ຜູ້ຊີ້ນໍາວຽກງານການເມືອງ-ແນວຄິດ ແລະ ພະນັກງານ, ມີກຳມະການປະຈໍາພັກເມືອງ, ຄະນະຮັບຜິດຊອບຂັ້ນແຂວງ, ຫົວໜ້າຫ້ອງການ, ຮອງຫົວໜ້າຫ້ອງ, 2ກອງບັນຊາການ ປກຊ-ປກສ ແລະ ເລຂາ-ຮອງເລຂາຄະນະພັກຮາກຖານກຸ່ມບ້ານເຂົ້າຮ່ວມຮັບຟັງທັງໝົດ 133 ສະຫາຍ,ຍິງ 22 ສະຫາຍ.ການເຊື່ອມຊືມໃນຄັ້ງນີ້ຍັງໄດ້ຮັບຟັງການການລາຍງານສະພາບການຈັດຕັ້ງປະຕິບັດໃນໄລຍະຜ່ານມາ ແລະ ຜ່ານແຜນການຍຸດທະສາດການເຄື່ອນໄຫວວາລະແຫ່ງຊາດວ່າດ້ວຍການສະກັດກັ້ນ ແລະ ແກ້ໄຂບັນຫາຢາເສບຕິດ ພ້ອມນີ້ຜູ້ເຂົ້າຮ່ວມກອງປະຊຸມໄດ້ປະກອບຄໍາຄິດເຫັນໃສ່ບົດລາຍງານ ເພື່ອເຮັດໃຫ້ບົດລາຍງານຄົບຖ້ວນ ແລະ ສົມບຸນຂື້ນ ເພື່ອນໍາໄປຈັດຕັ້ງປະຕິບັດວຽກງານໃຫ້ໄດ້ຮັບຜົນດີ.

ເຊີ່ງໃນຕອນທ້າຍທ່ານ ພົມມະສຸກ ວິໄລກຸນ ກໍາມະການປະຈໍາພັກແຂວງ, ຮອງເຈົ້າແຂວງໆຫຼວງນໍ້າທາ ຜູ້ຊີ້ນໍາຂົງເຂດວັດທະນະທໍາ-ສັງຄົມ ໃຫ້ກຽດໂອ້ລົມຕໍ່ກອງປະຊຸມ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດວຽກງານຂອງແຕ່ລະສະຫາຍ ພ້ອມທັງໃຫ້ທິດຊີ້ນໍາ ແລະ ຮຽກຮ້ອງມາຍັງພະນັກງານທຸກສະຫາຍຈົ່ງສືບຕໍ່ປະຕິບັດວຽກງານທີ່ຂັ້ນເທິງມອບໜາຍໃຫ້ສໍາເລັດຜົນຕາມເປົ້າໝາຍ.

• < ຕໍ່ໄປ
• ຕໍ່ໄປ >