ຄະນະໂຄສະນາອົບຮົມແຂວງຫຼວງນໍ້າທພົບປະແລກປ່ຽນບົດຮຽນກັບໂຄສະນາແຂວງຊຽງຂວາງ

ລາຍລະອຽດ

ສ້າງຂື້ນເມື່ອ ວັນພຸດ, 08 ມັງກອນ 2020 07:14

ຂຽນໂດຍ ກົງລາ ຖ່າຍຄໍາໂປນ

ຄະນະ​ໂຄສະນາ​ອົບຮົມ​ແຂວງ​ຫຼວງນໍ້າທາພົບປະແລກປ່ຽນບົດຮຽນກັບໂຄສະນາອົບຮົມ​ແຂວງຊຽງຂວາງ.

 ການພົບປະແລກປ່ຽນຖອດຖອນບົດຮຽນລະຫວ່າງຄະນະ​ໂຄສະນາ​ອົບຮົມ​ແຂວງ​ຫຼວງນໍ້າທາ ​ແລະ ຄະນະ​ໂຄສະນາ​ອົບຮົມແຂວງຊຽງຂວາງ ໄດ້ຈັດຂື້ນໃນວັນທີ່ 23 ທັນວາ ປີ 2019 ນີ້

ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມ ແຂວງຊຽງຂວາງ ໂດຍການເປັນປະທານຂອງ ທ່ານ ຄອນສະໝຸດ ບຸນແພງພັນ ກໍາມະການພັກແຂວງຊຽງ ຫົວໜ້າ​ຄະນະ​ໂຄສະນາ​ອົບຮົມ​ແຂວງຊຽງ, ທ່ານ ສິງແກ້ວ ແສນປັນຍາ ຮອງຫົວາຄະນະໂຄສະນາອົບຮົມແຂວງ ຫຼວງນໍ້າທາ ແລະ ຫົວໜ້າຂະແໜງ, ຮອງຂະແໜງ, ພ້ອມດ້ວຍພະນັກງານ, ວິຊາການທັງ​ສອງ​ຝ່າຍ​ເຂົ້າ​ຮ່ວມຈໍານວນ 28 ກ່ວາສະຫາຍ, ຍິງ 9 ສະຫາຍ.ພິທີພົບປະແລກປ່ຽນບົດຮຽນໃນຄັ້ງນີ້ ກ່ອນອື່ນ​ທ່ານ ຄໍາສີ  ວີໄລສັກ ຮອງຫົວໜ້າ​ຄະນະ​ໂຄສະນາ​ອົບຮົມ​ແຂວງຊຽງຂວາງ ໄດ້ມີຄໍາເຫັນກ່າວຕ້ອນຮັບຄະນະຜູ້ແທນຂອງແຂວງຫຼວງນໍ້າທາ,ຫຼັງຈາກນັ້ນສອງຄະນະໄດ້ພັດປ່ຽນກັນລາຍງານ ສະພາບການລວມ, ຈຸດພິເສດ ແລະ ການພັດທະນາເສດຖະກິດ, ສັງຄົມໂດຍຫຍໍ້ຂອງແຂວງຊຽງຂວາງ ແລະ ແຂວງຫຼວງນໍ້າທາ ແລະ ລາຍງາຍງານສະພາບການຈັດຕັ້ງປະຕິບັດວຽກງານວິຊາສະເພາະຂອງຄະນະໂຄສະນາອົບຮົມຂອງສອງແຂວງ, ເປັນຕົ້ນແມ່ນວຽກງານການສຶກສາອົບຮົມການເມືອງ - ແນວຄິດ ໃນຖັນແຖວພະນັກງານ, ສະມາຊິກພັກ, ການເກັບກໍາຫາງສຽງສັງຄົມ, ວຽກງານເຜີຍແຜ່ແນວທາງນະໂຍບາຍຂອງພັກ - ລັດ, ວຽກງານໂຄສະນາຜ່ານສື່, ວິທະຍຸ ແລະ ວຽກງານຄວາມເຂັ້ມແຂງດ້ານວິຊາສະເພາະໃຫ້ພະນັກງານ - ລັດຖະກອນມີຄວາມຮູ້ຄວາມສາມາດທາງດ້ານທິດສະດີ ແລະ ວຽກງານອື່ນໆທີ່ສໍາຄັນ ເພື່ອເຮັດໃຫ້ການຈັດຕັ້ງປະຕິບັດວຽກງານໂຄສະນາຂອງສອງແຂວງໄດ້ຈັດຕັ້ງປະຕິບັດ ສອດຄ່ອງກັບພາວະຄວາມເປັນຈິງ ແລະ ສອດຄ່ອງກັບແນວທາງນະໂຍບາຍຂອງພັກ - ລັດ ນໍາເອົາບົດຮຽນທີ່ຖອດຖອນໄດ້ໄປຈັດຕັ້ງປະຕິບັດໃຫ້ເກີດຜົນສໍາເລັດປະກົດຜົນເປັນຈິງ ເພື່ອນໍາເອົາໄປພັດທະນາວຽກງານໂຄສະນາອົບຮົມແຂວງຫຼວງນໍ້າທາ ແລະ ແຂວງຊຽງຂວາງ ໃຫ້ມີຄວາມໜັກແໜ້ນເຂັ້ມແຂງ. ກາຍເປັນເສນາທິການທາງດ້ານການເມືອງ - ແນວຄິດ ໃນການປຸກລະດົມທົ່ວສັງຄົມເຂົ້າຮ່ວມໃນການຈັດຕັ້ງປະຕິບັດແນວທາງຂອງພັກ, ລະບຽບກົດໝາຍຂອງລັດ ຢ່າງເປັນຂະບວນກ້ວາງຂວາງ, ຜ່ານການຖອດຖອນບົດຮຽນຄັ້ງນີ້ ຍັງເປັນການຫັດແໜ້ນຄວາມສາມັກຄີຊ່ວຍເຫຼືອເຊີ່ງກັນ ແລະ ກັນ ໃນການເສີມສ້າງຄວາມຮູ້ຄວາມສາມາດ, ປະສົບການໃນການເຮັດວຽກຕໍ່ໜ້າ. ຕອນທ້າຍຂອງພິທີສອງຝ່າຍໄດ້ມອບຂອງຂັວນທີ່ລະນຶກໃຫ້ເຊິ່ງກັນ ແລະ ກັນ, ຫຼັງຈາກນັ້ນທັງສອງຄະນະໄດ້ເດີນທາງໄປທ່ຽວຊົມສະຖານທີ່ສໍາຄັນທາງປະຫວັດສາດ, ທໍາມະຊາດເປັນຕົ້ນແມ່ນທອງໄຫຫີນ ເຊິງເປັນໝໍລະດົກໂລກ ແລະ ທ່ຽວຊົມທໍາມະຊາດຢູ່ເມືອງແປກ. ແລະ ການລ້ຽງງົວພັນເພື່ອສົ່ງອ່ອກຕ່າງປະເທດ.

• < ຕໍ່ໄປ
• ຕໍ່ໄປ >