ໜ່ວຍຊາວໜຸ່ມຄະນະໂຄສະນາອົບຮົມແຂວງຫຼວງນໍ້າທາມອບເຄື່ອງບໍລິຈາກຊ່ວຍເຫຼືອຜູ້ປະສົບໄພນໍ້າຖ້ວມ

ສ້າງຂື້ນເມື່ອ ວັນພຸດ, 25 ກັນຍາ 2019 03:34
ຂຽນໂດຍ ນ. ຈັນສະໝອນ ອຸດທະລັງສີ

 

ໜ່ວຍຊາວໜຸ່ມຄະນະໂຄສະນາອົບຮົມແຂວງຫຼວງນໍ້າທາມອບເຄື່ອງບໍລິຈາກຊ່ວຍເຫຼືອຜູ້ປະສົບໄພນໍ້າຖ້ວມຢູ່ພາກກາງ ແລະ ພາກໃຕ້ຂອງ ສປປ ລາວ.

ຕອນເຊົ້າຂອງວັນທີ 19 ກັນຍາ 2019 ໜ່ວຍຊາວໜຸ່ມ ຄະນະໂຄສະນາອົບຮົມແຂວງຫຼວງນໍ້າທາໄດ້ມອບໝີ່ ໄວໆ ຈໍານວນ 6 ແກ໋ດ ເປັນເງິນ 270,000 ກີບ.

ຕາງໜ້າມອບຂອງທ່ານ ກົງລາ ຖ່າຍຄໍາໂປນ ເລຂາໜ່ວຍຊາວໜຸ່ມຄະນະໂຄສະນາອົບຮົມແຂວງ ແລະ ໃຫ້ກຽດຮັບໂດຍທ່ານ ສິງທະລາທອງ ສາຍຫຍ້າທອງ ຮອງເລຂາຄະນະບໍລິຫານງານຊາວໜຸ່ມແຂວງພ້ອມດ້ວຍສະມາຊິກຊາວໜຸ່ມ ເຂົ້າຮ່ວມທັງໝົດ 16 ສະຫາຍ, ຍິງ 9 ສະຫາຍ.ທ່ານ ສິງທະລາທອງ ສາຍຫຍ້າທອງ ຮອງເລຂາຄະນະບໍລິຫານງານຊາວໜຸ່ມແຂວງ ໄດ້ສະແດງຄວາມຍ້ອງຍໍຊົມເຊີຍ ແລະ ຂອບອົກຂອບໃຈ ມາຍັງໜ່ວຍຊາວໜຸມຄະນະໂຄສະນາອົບຮົມແຂວງ ທີ່ມີຄວາມເປັນຫ່ວງເປັນໃຍຕໍ່ຜູ້ປະສົບໄພນໍ້າຖ້ວມຢູ່ພາກກາງ ແລະ ພາກໃຕ້ຂອງ ສປປ ລາວ ທ່ານຍັງໃຫ້ຄໍາໜັ້ນສັນຍາວ່າຈະນໍາເອົາເຄື່ອງ ດັ່ງກ່ານນີ້ໄປມອບໃຫ້ເຖີງມືປະຊາຊົນຜູ້ທີ່ຍັງຂາດເຂີນທາງດ້ານສະບຽງອາຫານ.