ຄະນະໂຄສະນາອົບຮົມແຂວງຫຼວງນໍ້າທາ, ຝຶບອົບຮົມການສຶກສາອົບຮົມການເມືອງ-ແນວຄິດໃຫ້ເຈົ້າກົກ, ເຈົ້າເຫຼົ່າ

ສ້າງຂື້ນເມື່ອ ວັນສຸກ, 30 ສິງຫາ 2019 03:48
ຂຽນໂດຍ ນ. ຈັນສະໝອນ ອຸດທະລັງສີ

 

 

 

 

ຄະນະໂຄສະນາອົບຮົມສູນກາງພັກສົມທົບຄະນະໂຄສະນາອົບຮົມແຂວງຫຼວງນໍ້າທາ, ຄະນະໂຄສະນາອົບຮົມເມືອງສິງເປີດຊຸດອົບຮົມການສຶກສາອົບຮົມການເມືອງ-ແນວຄິດໃຫ້ເຈົ້າກົກ, ເຈົ້າເຫຼົ່າ

ໃນວັນທີ 27 ສິງຫາ 2019 ຄະນະໂຄສະນາອົບຮົມສູນກາງພັກສົມທົບຄະນະໂຄສະນາອົບຮົມແຂວງຄະນະໂຄສະນາອົບຮົມເມືອງສິງ ເປີດຊຸດອົບຮົມສຶກສາອົບຮົມການເມືອງ-ແນວຄິດໃຫ້ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ

ຂື້ນຢູ່ສະໂມສອນເມືອງສິງ, ແຂວງຫຼວງນໍ້າທາ ພາຍໃຕ້ການເປັນປະທານຂອງທ່ານ ຈັກພິພັກ ກອງຈໍາປາ ເລຂາພັກເມືອງ ເຈົ້າເມືອງໆສິງ, ມີ ທ່ານ ຄໍາກອງ ທໍາມະເທວາ ຮອງກົມອົບຮົມ ຄະນະໂຄສະນາອົບຮົມສູນກາງພັກ, ທ່ານ ບຸນສາງ ອິນມະນີ ຮອງຫົວໜ້າຄະນະໂຄສະນາອົບຮົມແຂວງ, ທ່ານ ຄໍາແສງ ປະດິດ ຮອງປະທານແນວລາວສ້າງຊາດແຂວງ ເຂົ້າຮ່ວມນໍາຊຸດອົບຮົມຄັ້ງນີ້ໄດ້ເຊື່ອມຊືມເອກະສານມີ 3 ບົດຄື: 1. ເສີມຂະຫຍາຍມູນເຊື້ອອັນດີງາມຂອງປະຊາຊົນລາວບັນດາເຜົ່າຢູ່ປະເທດເຮົາໃນໄລຍະໃໝ່. 2. ບົດບາດ ແລະ ໜ້າທີ່ຂອງເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ. 3. ເພີ່ມທະວີຄວາມສາມັກຄີ ແລະ ຄວາມສະເໝີພາບຂອງປະຊາຊົນລາວບັນດາເຜົ່າ, ມີນັກສໍາມະນາກອນມາຈາກ 27 ໝູ່ບ້ານທີ່ເປັນຕົວແທນໃຫ້ແຕ່ລະເຜົ່າເຂົ້າຮ່ວມ 31 ສະຫາຍ.ຈຸດປະສົງຂອງການຝຶກອົບຮົມຄັ້ງນີ້ແມ່ນ ເພື່ອເຮັດໃຫ້ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວມີຄວາມເຂົ້າໃຈເລິກເຊີ່ງ ແລະ ກໍາແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດໃນແຕ່ລະໄລຍະ, ເພື່ອໃຫ້ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວນໍາພາປະຊາຊົນບັນດາເຜົ່າເຄື່ອນໄຫວຖືກຕ້ອງ, ເພື່ອສ້າງຄວາມເປັນເອກະພາບກັບແນວທາງ,ມະຕິຄໍາສັ່ງຂອງພັກ-ລັດ, ເຊີດຊູຄວາມຮັບຜິດຊອບຂອງຕົນຕໍ່ການຊີ້ນໍາໆພາພໍ່ແມ່ປະຊາຊົນບັນດາເຜົ່າໃນຂອບເຂດຄວາມຮັບຜິດຊອບຂອງຕົນ ເພື່ອປົກປັກຮັກສາ ແລະ ສ້າງສາພັດທະນາ, ແກ້ໄຂຄວາມທຸກຍາກ ແລະ ຍົກສູງຊີວິດການເປັນຢູ່ຂອງແຕ່ລະຄອບຄົວໃຫ້ສູງຂື້ນ