ຄະນະໂຄສະນາອົບຮົມ ແຂວງຫຼວງນໍ້າທາ ສໍາເລັດຊຸດຝຶກອົບຮົມຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາ

ລາຍລະອຽດ

ສ້າງຂື້ນເມື່ອ ວັນສຸກ, 05 ກໍລະກົດ 2019 02:02

ຂຽນໂດຍ ກົງລາ ຖ່າຍຄໍາໂປນ

ຄະນະ​ໂຄສະນາ​ອົບຮົມ ແຂວງ​ຫຼວງນໍ້າທາ ​ສໍາ​ເລັດ​ຊຸດ​ຝຶກ​ອົບຮົມ​ຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາ ແລະ ເຜີຍແຜ່ເອກະສານໂຄສະນາສຶກສາການເມືອງ-ແນວຄິດກ່ຽວກັບການສ້າງປະຊາຄົມຮ່ວມຊາຕາກໍາລາວ-ຈີນ ໃນຕໍ່ໜ້າ.

        ໃນ​ວັນ​ທີ 6-7 ມີຖຸນາ  2019  ຜ່ານ​ມາ​, ຄະນະ​ໂຄສະນາ​ອົບຮົມ​​ແຂວງ​ຫຼວງນໍ້າທາ ສົມທົບກັບຄະນະໂຄສະນາອົບຮົມເມືອງນາແລ, ​ໄດ້​ເປີດ​ຊຸດ​ອົບຮົມຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາ ແລະ ເຜີຍແຜ່ເອກະສານໂຄສະນາສຶກສາການເມືອງ-ແນວຄິດກ່ຽວກັບການສ້າງປະຊາຄົມຮ່ວມຊາຕາກໍາລາວ-ຈີນ

ໃນຕໍ່ໜ້າ.ຢູ່ທີບ້ານເປືອນ, ກຸ່ມບ້ານນາແລ, ເມືອງນາແລ, ແຂວງຫຼວງນໍ້າທາ. ​ໂດຍພາຍໃຕ້ການເປັນປະທານຂອງ ທ່ານ ສິງແກ້ວ ແສນປັນຍາ ຮອງຫົວໜ້າຄະນະໂຄສະນາອົບຮົມແຂວງ, ມີບັນດານັກສໍາມະນາກອນມາຈາກຄະນະໜ່ວຍພັກ, ມີຄະນະພັກກຸ່ມບ້ານ, ນາຍບ້ານ ແລະ ບັນດາໜ່ວຍງານຕ່າງໆຂອງບ້ານ ມີນັກສໍາມະນາກອນມາຈາກ 6 ບ້ານເປົ້າໝາຍເຂົ້າຮ່ວມຈໍານວນ 56 ຄົນ, ຍິງ 5  ຄົນ. ຊຸດ​ຝຶກ​ອົບຮົມ​ຄັ້ງ​ນີ້​ນັກ​ສໍາ​ມະ​ນາກ​ອນ​ໄດ້ຮັບ​ຟັງ​ການ​ບັນຍາຍເອກະສານຄື: ເອກະສານອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ,  ຍົກສູງຄວາມສາມາດນໍາພາຂອງໜ່ວຍພັກບ້ານ, ສ້າງໜ່ວຍພັກປອດໃສ່, ເຂັ້ມແຂງ, ໜັກແໜ້ມ ແລະ ເອກະສານໂຄສະນາສຶກສາການເມືອງ-ແນວຄິດກ່ຽວກັບການສ້າງປະຊາຄົມຮ່ວມຊາຕາກໍາລາວ-ຈີນ ໃນຕໍ່ໜ້າ. ເອກະສານທີນໍາໃຊ້ເຂົ້າໃນການຝຶກອົບຮົມຄັ້ງນີ້ມີ 6 ບົດ.ຈຸດປະສົງ​ໃນ​ການ​ເປີດຊຸດຝຶກອົບຮົມຄັ້ງນີ້ ​ແມ່ນ​ເພື່ອແນ່ໃສ່ສ້າງ​ຄວາມ​ເຂັ້ມ​ແຂງ​ໃຫ້​ຄະນະພັກ, ອົງການປົກຄອງບ້ານ​ໄດ້ຮັບຮູ້ເຖິງພາລະບົດບາດ, ສິດໜ້າທີ່ຂອງແຕ່ລະຂະແໜງການຂອງບ້ານ ​ແລ້ວນໍາໄປຈັດຕັ້ງປະຕິບັດເຂົ້າໃນວຽກງານຕົວຈິງ​ໃຫ້​ດີ​ຂຶ້ນ​​​ເປັນ​ກ້າວໆ.

• < ຕໍ່ໄປ
• ຕໍ່ໄປ >