ຄະນະໂຄສະນາອົບຮົມແຂວງຫຼວງນໍ້າທາ ເຜີຍແຜ່ເຊື່ອມຊືມ 2 ເອກະສານ ໃຫ້ແກ່ພະນັກງານພາຍໃນຄະນະໂຄສະນາອົບຮົມແຂວງ

ລາຍລະອຽດ

ສ້າງຂື້ນເມື່ອ ວັນພະຫັດ, 09 ມີນາ 2023 06:03

ຂຽນໂດຍ ຄອຂ ຫລວງນ້ຳທາ

ຄະນະໂຄສະນາອົບຮົມແຂວງຫຼວງນໍ້າທາ ເຜີຍແຜ່ເຊື່ອມຊືມ 2 ເອກະສານ

ໃຫ້ແກ່ພະນັກງານພາຍໃນຄະນະໂຄສະນາອົບຮົມແຂວງ

     ວັນທີ 28 ກຸມພາ 2023 ຢູ່ທີ່ຫ້ອງປະຊຸມ ຂອງຄະນະໂຄສະນາອົບຮົມແຂວງຫຼວງນໍ້າທາ ໄດ້ເຜີຍແຜ່ເຊື່ອມຊືມ 2 ເອກະສານທີ່ສໍາຄັນໃຫ້ແກ່ພະນັກງານພາຍໃນຄະນະໂຄສະນາອົບຮົມແຂວງ ໂດຍການເປັນປະທານຂອງ ສະຫາຍ ບຸນມາ ພັນດາວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ,

ມີຮອງຫົວໜ້າຄະນະ, ຫົວໜ້າຂະແໜງ-ຮອງຂະແໜງ ຕະຫຼອດຮອດພະນັກງານວິຊາການເຂົ້າຮ່ວມ 18 ສະຫາຍ, ຍິງ 4 ສະຫາຍ. ເອກະສານທີ່ນໍາມາເຜີຍແຜ່ເຊື່ອມຊືມໃນຄັ້ງນີ້ມີຄື: 1. ເຜີຍແຜ່ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ V ສະໄໝທີ XI. 2. ເຜີຍແຜ່ ມະຕິວ່າດ້ວຍການເລືອກເຟັ້ນ ແຕ່ງຕັ້ງ, ຊັບປ່ຽນໜ້າທີ່ຂອງພະນັກງານນໍາພາ-ຄຸ້ມຄອງສະບັບເລກທີ 13/ກມສພ, ລົງວັນທີ 09 ກຸມພາ 2023 ເຊີ່ງປະກອບມີ 5 ພາກ ແລະ 16 ມາດຕາ; ການເຊື່ອມຊືມເອກະສານດັ່ງກ່າວນີ້ ເພື່ອໃຫ້ພະນັກງານເຂົ້າໃຈ ແລະ ຫັນເປັນວຽກສໍາຄັນໃນວຽກງານພະນັກງານ ແລະ ທັງສ້າງຄວາມດຸ່ນດ່ຽງທາງດ້ານຈໍານວນ ແລະ ຄຸນນະພາບຂອງຖັນແຖວພະນັກງານນໍາພາ-ຄຸ້ມຄອງໃນຂະແໜງຢູ່ຂັ້ນສູນກາງ ແລະ ທ້ອງຖິ່ນ; ຮັບປະກັນການຈັດຕັ້ງມີຄວາມເຂັ້ມແຂງ, ໜັກແໜ້ນ, ເຄື່ອນໄຫວຢ່າງມີປະສິດທິພາບສ້າງພະນັກງານ ສືບທອດປ່ຽນແທນຕາມທິດຫັນເປັນໜຸ່ມ ແລະ ມີຄວາມຊໍານານງານຕາມຫຼັກວິທະຍາດສາດ ແລະ ກ້າວໜ້າ.

• < ຕໍ່ໄປ
• ຕໍ່ໄປ >