ຍິນດີຕ້ອນຮັບເຂົ້າສູ່ເວັບໄຊສ໌ຂອງຄະນະໂຄສະນາອົບຮົມແຂວງຫລວງນ້ຳທາ                                                                          ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ                                                                                   

ຄະນະໂຄສະນາອົບຮົມແຂວງຫຼວງນໍ້າທາສົມທົບກັບຄະນະໂຄສະນາອົບຮົມເມືອງວຽງພູຄາລົງເກັບກໍາຂໍ້ມູນຄອບຄົວຕົວແບບ

ຄະນະໂຄສະນາອົບຮົມແຂວງຫຼວງນໍ້າທາສົມທົບກັບຄະນະໂຄສະນາອົບຮົມເມືອງວຽງພູຄາລົງເກັບກໍາຂໍ້ມູນຄອບຄົວຕົວແບບລົງວາລະສານໂຄສະນາໃນການກະກຽມຮັບໃຊ້ກອງປະຊຸມໃຫ່ຍ 3 ຂັ້ນຂອງພັກ.

 ວັນທີ 19 - 20 ກັນຍາ 2019 ຜ່ານມາ, ທ່ານ ຫັນຈະເລີນ ເພັດທະວົງ ຫົວໜ້າຂະແໜງປາຖະກະຖາ ຄະນະໂຄສະນາອົບຮົມແຂວງຫຼວງນໍ້າທາ ​ພ້ອມ​ດ້ວຍ​ທີ​ມງານສົມທົບກັບຄະນະໂຄສະນາອົບຮົມເມືອງວຽງພູຄາເພື່ອລົງເກັບກຳຂໍ້ມູນຄອບຄົວຕົວແບບຂອງເມືອງ

ທ່ານ ສອນເພັດ ບຸດຕະບຸນເຮືອນ ຫົວໜ້າຄະນະໂຄສະນາອົບຮົມເມືອງໄດ້ນໍາພາທີມງານໄປພົບຄອບຄົວຂອງ ທ່ານ ເກີດເອື້ອຍ ບ້ານນໍ້າກຽ້ງ, ເມືອງ ວຽງພູຄາ, ເຊິ່ງເປັນຄອບຄົວໜຶ່ງທີເປັນຕົວໜຶ່ງທີເປັນຕົວແບບໃນການປຸກຝັງ, ລ້ຽງສັດ, ສະມາຊິກຄອບຄົວມີ 6 ຄົນ, ຍິງ 3 ຄົນ. ອາຊີບໃນເມື່ອກ່ອນແມ່ນຖ່າງປ່າເຮັດໄຮ່ແບບເລື່ອນລອຍ, ຊີວິດການເປັນຢູ່ຂອງຄອບຄົວບໍ່ໄດ້ຮັບການພັດທະນາເທົ່າທີ່ຄວນ ແລະ ຕົກມາຮອດໄລຍະໃໝ່ ພັກ ແລະ ລັດຖະບານ ໄດ້ມີນະໂຍບາຍໃຫ້ຢຸດຕິການຖາງປ່າເຮັດໄຮ່ແບບເລື່ອນລອຍ ແລ້ວຫັນມາເຮັດອາຊີບອື່ນ ທີ່ໝັ້ນຄົງ ແລະ ຍືນຍົງ ຕາມຄວາມອາດສາມດຂອງແຕ່ລະຄອບຄົວ.ໃນປີ 2000 ຫ້ອງການກະສິກຳ ແລະ ປ່າໄມ້ເມືອງ, ໄດ້ລົງມາໂຄສະນາ ແລະ ປຸກລະດົມພໍ່ແມ່ປະຊາຊົນປູກໜາກແໜ່ງກວາງຕຸງ ເພາະວ່າການປູກໜາກແໜ່ງກວາງຕຸງເປັນທັງການປົກປັກຮັກສາປ່າໄມ້ທໍາມະຊາດໃຫ້ຍືນຍົງ ຕາມທິດສີຂຽວ ແລະ ເປັນການປົກປັກຮັກສາສິ່ງແວດລ້ອມໄປພ້ອມໆກັນ. ດັ່ງນັ້ນ, ຄອບຄົວຂອງທ່ານຈຶ່ງຕັດສິນໃຈປູກໃນເນື້ອທີ່ 2.000 ຈໍ່ານວນ 400 ຕົ້ນ, ພາຍຫຼັງປູກໄດ້ປະມາ 3 ປີ ກໍ່ສາມາດເກັບກູ້ໄດ້ 33 ກິໂລ ເຊິ່ງໃນເມື່ອກ່ອນໜາກແໜ່ງດິບກິໂລລະ 15.000 ກີບ ເມືອ່ເຫັນວ່າໄດ້ຮັບຜົນດີ ຄອບຄົວຂອງທ່ານ ຈຶ່ງໄດ້ປູກເພີ່ມອີກໃນແຕ່ລະປີ.ມາຮອດປະຈຸບັນມີເນື້ອທີ່ປູກໜາກແໜ່ງທັງໝົດ 5 ເຮັກຕາ, ຜົນໄດ້ຮັບໃນປີ 2018 ເກັບໜາກແໜ່ງດິບໄດ້ 1.460 ກິໂລ, ຂາຍກິໂລລະ 50.000 ກີບ, ລວມລາຍຮັບ 73.000.000 ກີບ ແລະ ຂາຍໜໍໜາກແໜ່ງໄດ້ 16.680 ກວ່າໜໍ ໃນລາຄາຕົ້ນລະ 600 ກີບ, ລວມລາຍຮັບ 10.080.000 ກີບ.ນອກຈາກປູກໜາກແໜ່ງແລ້ວຄອບຄົວຂອງທ່ານ ຍັງປູກເຫັດນາງຟ້າ, ລ້ຽງແບ້, ລ້ຽງປາ, ລ້ຽງງົວ ແລະ ເຮັດນາ ລວມຍອດລາຍຮັບທັງໜົດ 158.000.000ກີບ, ສະເລ່ຍລາຍຮັບຕໍ່ຫົວຄົນເທົ່າກັບ 26.333.000 ກີບ ຕໍ່ຄົນຕໍ່ປີ.ສ່ວນປີ 2019 ສາມາດຂາຍໜໍໜາກແໜ່ງໃຫ້ປະຊາຊົນບ້ານໃກ້ຄຽງໄດ້ເຖິງ 20.000 ໜໍ ໃນລາຄາຕົ້ນລະ 550 ກີບ. ສ່ວນໜາກແໜ່ງຍັງບໍ່ທັນໄດ້ເກັບກູ້.ຄະນະໂຄສະນາອົບຮົມແຂວງ ແລະ ເມືອງໄດ້ມີຄໍາເຫັນຍ້ອງຍໍຊົມເຊີຍ ແລະ ແນະນໍາວິທີການສ້າງເສດຖະກິດຄອບຄົວ​ເພື່ອ​ສ້າງ​ຄວາມ​ຮັບ​ຮູ້​ເຂົ້າ​ໃຈ​ຕໍ່ກັບ​ແນວທາງ​ນະ​ໂຍບາຍ​ຂອງ​ພັກ ​ແຜນ​ພັດທະນາ​ເສດ​ຖະກິດ​ສັງຄົມ​ຂອງ​ລັດ ​ແລະ ​ເພື່ອ​​ເປັນ​ກຳລັງ​ໃຈ​ໃຫ້​ປະຊາຊົນ ​​ໃນ​ການ​ຜະລິດ​ເປັນ​ສິນຄ້າ​, ​ເປັນຄອບຄົວຕົວ​ແບບ ​ເພື່ອ​ແກ້​ໄຂ​ຄວາມທຸກ​ຍາກ​ ​ເຮັດໃຫ້​ປະຊາຊົນ​ພາຍ​ໃນ​ບ້ານ​ມີ​ຊີວິດ​ການ​ເປັນ​ຢູ່ ນັບ​ມື້​ດີ​ຂຶ້ນ.

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

 

  

ສະຖິຕິຜູ້ເຂົ້າຊົມ:

101669
ມື້ນີ້ມື້ນີ້12
ມື້ວານນີ້ມື້ວານນີ້171
ອາທິດນີ້ອາທິດນີ້290
ເດືອນນີ້ເດືອນນີ້3164
ທັງໝົດທັງໝົດ101669